Friday, March 02, 2007

مصر بين المطرقة والسندان

انتهيت المرة اللي فاتت عند الوقفة ....بعد ان انتهينا من صلاة الجمعة ..فوجئت بأصوات تزلزل المسجد ..خرجت الى الباحة ووجدت اطفال وكبار ونساء تهتف للأقصى وفلسطين ......الصراحة لم أود ان اشارك ووددت ان اخذ دور المتفرج فقط ..و التقطني احد الأصدقاء واخذني الى المقدمة ودفعني الى المشاركة ......كان هناك قيادات كثيرة منهم عضوين في مجلس الشعب للإخوان المسلمين ..وتوالى كل من القيادات الحديث والكلام وبعد ان انتهينا ..حدث مالم يعجبني حيث وجه أحد قيادات الإخوان الشكر الى رجال الأمن ....!! لماذا ؟ أليس هؤلاء الرجال رجال الداخلية المغاوير هم انفسهم من يعذبونكم في السجون أليسوا هم انفسهم من يعتقلونكم ؟ لماذا ذلك النفاق ؟ ام دبلوماسية معهودة وسياسة خاصة للإخوان مع الحكومة والداخلية.................؟
كانت معرفتي الأولى بأخوانا انصار السنة عندما تعرفت على احدهم في المسجد ودعاني الى جلسة بعد الفجر في الحديث ..وانتظمت حوالى كام شهرفي الصيف الماضي ...الصراحة لم تكن المرة الأولى التي اعرفهم ولكني عرفتهم اثناء حياتي في السعودية ولكني لم ادركهم ادراك كامل الا في مصر ...ذلك المنهج كان ميلادة من شبه الجزيره العربية( السعودية حاليا)ا وكانت تسمى الحركة الوهابية نسبة لمحمد بن عبدالوهاب وكانت تدعو لشئ جميل جدا وهي العودة الى اتباع السلف الصالح وسنة الرسول صلى الله عليه وسلم ......الصراحة بجانب تشدد هم في بعض القضايا و غيبتهم التامة للأحوال المحيطة حولهم .......فمثلا انتم تعلمون ان حرب لبنان السابقه كانت في الصيف الماضي .......أفاجئ انهم لم يعلموا اساسا مايدور ......ربما أعطيكم مثال فقط على انعزال بعضهم التام............وبماذا تفسرون فتاوي المفتي السعودي بشأن الحرب التي كان يخوضها حزب الله في اثناء اننا مختلفون حتى في مناصرة الشيعة ام اليهود ...............هذا هو منتهى العبث ....انا ليس ضد الإختلاف ولكن مش بتقطيع هدوم بعض.........يجب الأ نغفل حرصهم الشديد على تطبيق السنة ..وايضا الفائدة الكبيرة التي يستخلصها أي أحد ينضم الى جلسات العلم من فروع مختلفة من علم الحديث والى العقيدة غيرها والصراحة استفدت الكثير منهم حيث اكتشفت ان الشعب المصري لا متدين ولا نيلة انما هو متعلق بالقشور .......والهبل اللي بيعممله من تعلق بالأضرحة وطلب المدد ........وهذا عبث اخر ..حيث هناك امور دينية كثيرة يغفله المصريين
كنت عند صديقي بالصدفة رأيت خطبة للشيخ الحويني على جهازه ..تابعتها وفوجئت به يهاجم عمرو خالد ...وبجد بقولها بالفم المليان هما مابيقبلهوش ..............ماتفهمش ليه عاملهم ايه .....؟.........الراجل محترم بيقول عليه الشيخ الحويني بيقول عليه شيخ الفضائحيات ..طب ليه كده بس وقال ايه ......كيف يدعو ويوعظ بدون إجازات والإجازه هي ان يتتلمذ مدة طويلة في علم من العلوم الشرعية والنقلية وبعدها يعطيه الشيخ اجازه بأن يدرس هو العلم للطلبه ..........على عينا وراسنا الإجازه ......ولكن أنا أدعو كل مسلم مسئول عن الدعوة سواء بإجازه ولكن يجب ان نتحرى الدقه فيما نقوله..........................متأسف طولت ونكمل المره

21 comments:

AbdElRaHmaN Ayyash said...

تعرف يا أخ انسان
عرفت من مصادر موثوقة
من مجلس الشعب على وجه التحديد
ان في بلدي المنصورة .. كان مفترض تكون هنا ك مسيرة .. واتلغت
ليه ان شاء الله ؟
عشان امن الدولة بلغ الاخوان ان لو في مظاهره اتعملت هيضرب في المليان !!!!
يا اللـــه
ومظاهرة عن ايه
عن الاقصى
وقفة ضد اليهود
... يارب ارحمنا

Unknown said...

مساء الفل

مش عارفة ليه عايزة أبتدي من النص
عايزة أقول رأيي في الحركة الوهابية
عارف الحركة دي عملت ايه في مصر مثلاً
الحركة الوهابية لغت من عندنا حاجة اسمها عيد الميلاد وعيد الأم
حتى الأعياد الفرعونية زي عيد وفاء النيل ويوم شم النسيم
كل ده بقى حرام
آلو بقت حرام
صباح الخير بقت حرام
لازم تقول السلام عليكم
ده غير السبوع اللي بقى أسمه عقيقة وحفلات الزفاف اللي بيتغنى فيها خيبر خيبر يا يهود
هيه دي الحركة الوهابية بالنسبة لمعظم المصريين
ده غير تكفيرهم الشيعة والاجتهاد واتهامهم لأي حد بيناقشهم بالتجديف ويمكن بالكفر
وده رأيي الخاص جدا
.........
الاخوان بقى
يمكن سعيهم المتواصل للحصول على شكل سياسي رسمي هوه اللي قلل من مصداقيتهم عند رجل الشارع و خصوصا انهم واخدين عباية الدين اللي تشد أي حد عايز يكسب الدنيا والآخرة
مع انهم على المستوي الديني والانساني ما عملوش أي حاجة مفيدة
أو أنا ماسمعتش انهم عملوا
لكن برغم ده أنا ما أقدرش أنكر وجودهم القوي وقدرتهم العظيمة على التنظيم وحشد الناس وبلاش تستغرب موقف الكادر الاخواني من أمن الدولة لأن الاخوان ممن يتبعون مبدأ الغاية تبرر الوسيلة
وأعتقدت انها اتقالت بصراحة
لو أن الطريق الى السلطة يستلزم التحالف مع الشيطان سنفعل
.....
تعبت من الكتابة وطولت عليك
يا ريت تخللي بالك من نفسك

عبدالله المصري said...

بسم الله الرحمن الرحيم

السلام عليكم ورحمة الله وبركاته .
الإخوة والأخوات من أبناء مصر الأبرار ,نقدم إليكم المبادرة المصرية للعفو والإصلاح –مبادرة الإخلاص- والتى تمثل طرحا مصريا لاستنهاض مصر يخاطب المخلصين من أبنائها ,ويتطابق مع الإرادة الجمعية للأغلبية المصرية الصامتة وهو ما يجعله الأقدر على تحقيق أهدافه ,نقدمه إليكم آملين فى تأييدكم له ,وسائلين الله عز وجل أن تعود به مصر كما أراد لها أن تكون .
ونرحب بتفاعلكم وآرائكم من خلال زيارة موقع المبادرة :

www.mobadrtalekhlas.blogspot.com

No Fear said...

السلام عليكم
أقلك أية
أستاذ و فعلا خير الكلام ما قل و دل
الله يكرمك
سلام

No Fear said...

السلام عليكم
معلش تعليق تاني
أستاذة يا أميرة كلامها يستحق التحية هي كمان
و الله يا جدعان إحنا دينا ده أحسن دين بس بجد للأسف إننا بنتمسك بالقشور بس و المظاهر فقط إنما عمق الدين معتقدش حد كتير بينفذه بالرغم من إن في ناس كتير فاهمة مش مش فاهمة بس بتحب تعمل للأسف المظاهر بس
أنا بجد كان نفسي أتعلم من الدين الكتير بس الحمد لله القليل اللي أعرفه بحارب نفسي علشان أنفذه أحيانا قليلة بانجح و للأسف كثيرا بأفشل
ربنا يهدينا جميعا
معلش طولت عليك
سلام

عين ضيقة said...

دا العادى برضو اليومين دول

اما مؤيد واما عدو

حتى لو كنت اخوه

ربنا يرحمنا

وكأن الاسلام لازمله انتماء لجماعة معينة والا فلا

سلام

shady said...

ياراجل ده تقبل الله لما تقولها لواحد بعد ما تصلى يقولك حرام قول السلام عليكم

أنصار السنة والوهابية قال دول انصار الحكومة

شباب روش طحن said...

موضوع جديد أتحدث عنه علي صفحتي أتمني منك المشاركة فيه وهو يدور حول الإجابة علي هذا السؤال بماذا تفسر وجود الأديان والعقائد في تاريخ البشر؟؟؟

saso said...

اولا انت مش بتطول خالص بالعكس انت بتكتب قليل لاني مستنية اوصل لاخر الكلام من البوست اللي فات علشان ارد عليه .. ولسة هستني البوست اللي جاي ان شاء الله

يمكن احنا مبنحاولش نعرف حدود الاختلاف ما بين الطرائق لان الاعلام عموما بيلغي وجودهم
في في الدنيا حركة يبقي ليها تمثيل برلماني وبرضة اسمها الجماعة المحظورة!!! ما علينا
لكن المشكلة الحقيقية في اننا مش هقول متعصبين لكن هقول بنؤيد او نرفض بعنف افتح اي نقاش او حتي هنا التعليقات هتلقي يا إما مع يا إما ضد وفي الحالتين الاتفاق مع طرف بيلغي تقريبا الاخر

الوهابيين جايز فعلا مشكلتهم تغليب المظاهر بس ارجع اقول ان المظاهر دي مظاهر السلف مهياش حاجة مبتدعة، مفيش ضرر من اتباعها للي عاوز وهيا مش فرض علي ايه حال. لكن اي متبع لجماعة اخري بيهاجم الوهابية ليه متعرفش
نفس الحال مع الاخوان يا مع بكل شدة يا ضد بكل عنف

انت يمكن حظك احسن انك احتكيت باكتر من جماعة لكن فكر كام مصري مقداموش غير الاعلام الموجة وصفحة الحوادث يقرا فيها عن الاتجاهات دي

mariam said...

سمعت كتير عن تشدد الحركه الوهابيه
لكن لفت نظرى طبعا تعصبهم ضد الشيعه المبالغ فيه
و لا يخفى على احد ان مفتى السعوديه فضل اليهود عليهم

اعتقد ان الهجوم الذى يتعرض له عمرو خالد
لأنه بيخاطب عقولنا و بيفهمنا صح مش كل كلامه اننا هندخل النار و كله غلط
عمرو خالد داعيه مستنير يستحق التحيه

تحياتى

The Alien said...

المطلوب نشغل دماغنا
سواء كنا إخوان وهابيين أو علمانيين
لازم نفكر ف أي كلام بنسمعه
والأهم إننا نتعلم إزاي نقبل إن فيه فكر مختلف
ونتعلم إزاي نتعامل معاه
م شيبقي كل اللي بنعمله تكفير ف تكفير

تحياتي

yamen said...

و الله انا معاك في كل كلمة قلتها
عن الاخوان والسلفيين

و في موضوع عمرو خالد كنت عايز اقول ان كل واحد بيبان اخلاصه لقضيته لما واحد غيره ينجح ويتفوق عليه فيها..
ساعتها يبان هو كان عايز القضية ولا كان عايز الناس تشوفه هو..

النجاح اللي عمله عمرو خالد بسبب اخلاصه خلا كتيييير من السلفيين و غيرهم يحقدوا عليه فيقعدوا يتكلموا عن العلم والاحاديث الموضوعة وااللغة و الحاجات اللي بتطلع وقت اللزوم..
و كأن الصح الوحيد هو ان الواحد يعمل زي ما هما بيعملو ويقول زي ما هما بيقولوا..

احتكار للصواب يعني..

ودي بقت مشكلة المجتمع كله مش بس المتدينين او الاخوان او السلفيين

اتربينا علي القهر ولما ييجي دورنا بنقهر اللي نقدر عليه.. وهكذا

اسف للاطالة

إنسان || Human said...

اخ عبد الرحمن
والله ده اذا كان امن الدوله يهود فيكون عندهم حق طبعا
شكرا على التعليق

إنسان || Human said...

أميره
مساء الورد....لا ولا طولت ولا حاجه ..براحتك خالص .. ..اولا تعليقك يعتبر اضافة قيمة للبوست
موضوع التحريم ده زاد عن حده واصبحت حمه الفتاوي منتشره عند كل من هب ودب
فيه بعض الفتاوي بتكون صحيحه وولكنها تتوه في وسط الهلمة الأخرى ..ولكن هناك الكثير من القضايا التي اجمع العلماء على حرمتها وهناك امور اخرى لم يجمع
................أم عن الاخوان ففعلا عندك حق و ان شاء الله هاتكلم بتوسع في الموضوع ده بتوسع واتمنى تعليقك يشرفني

إنسان || Human said...

عبد الله المصري
اشكرك لزيارتك وتعليقك ولو اني كنت اتمنى ان اعرف رايك بوضوح في البوست وان كنت لك راي اخر في الموضوع ......المهم شرفت واتمنى التواصل الدائم

إنسان || Human said...

no fear
الله يخليك ياسيدي ... فعلا فيه البعض يشوهون صورة الاسلام بتشددهم وتعصبهم مع ان الدين يسر ..ومع ان التمسك بالقشور فقط خطأ...ولكن بجانب القشور هناك جوهر وكلاهما لا يتجزء

إنسان || Human said...

عين ضيقة
لا ابدا الإسلام لا يجب ان يجزء الى جماعات ولكن الاسلا واحد ولكن فقط يختلفون في
تطبيقه لذلك هذا طبيعي ولكن الغير طبيعي هو العداء وعدم احترام الاخر
ال
إختلاف لا يفسد للود قضيه

إنسان || Human said...

شادي
هما مش انصار الحكومة قوي يعني ولكن بعضهم يمتاز بالسلبية والخنوع

..................
انا شاكر جدا لإهتمامك

إنسان || Human said...

saso
شكرا جدا لزيارتك وتعليقك واتمنى اشوف تعليسقك على البوست الجاي ان شاء الله
وانا متفق معاك في الكلام اللي انت قولتيه احنا فعلا ينقصنا احترام الاخر
وفعلا السلفيين دول مش جايبين منهج من المريخ ..ولكنه رؤيه معينه للإإسلام وهي رئية صحيحة ولكن البعض يطبقه ولكن بالشكل الغير مطلوب

إنسان || Human said...

مانو
فعلا ..لا اعلم لماذا ؟ لمصلحة من ذلك العداء...اليهود
لا أعلم لمصلحة أمريكا
هذا هوا الجهل بعينة
بالتأكيد الشيعة مش كلهم زي بعضهم ولكنهم يأخذون الحابل بالنابل
وان كان هناك اختلا ف فليس وقت الحرب والمحن
أما عن عمر خالد
بالفعل ..كون قاعد ة جماهيرية عريضه
ربنا معاه بجد وينصره ضد اي حد بيعديه

إنسان || Human said...

alien...yamen
شكرا لزيارتكم الأولى واتمنى ماتكونش الأخيره فعلا عندك حق
alien
لازم نحترم بعض ونفكر شوية بعقلنا عشان مانضحكش علينا الغرب والأعداء
Yamen
وان متفق معاك في كل ماقلته ...دي فعلا مشكلة المجتمع بالكامل لان بالتأكيد الجماعات دي منين .؟ ماهي من المجتمع
وهي انعكاس لا اكثر
وعمرو خالد اثبت نفسه واثبت رايه على ارض الوا\قع من خلال مشاريعه الجبارة صناع الحياة وغيرة