Monday, March 24, 2008

المنقذ2





الصراحة التعليقات على الموضوع السابق ...فتحت لي الكثير من المسارات ,كانت متناقضة إلى حد ما في بعض الأفكار ولكنها أتفقت في أننا لم نستخدم الإعلام بصورة جيدة للتسويق لقضاينا التي مضى عليها عشرات السنين , ولكن بداية أرغب في توضيح أن الغرب وأعني هنا الغرب بحكومات أمريكا وأوروبا , سواء كانت مؤسسات دينية أو سياسية تعلم جيداً من هم العرب والمسلمون , يعلمون جيداً من هو محمد رسول الله , أندهشت جداً من الضجة التي أحدثها سكان التبت والدلاي لاما في معارضتهم للصين ومطالبهم بالإستقلال , أنطلقت الإستهجانات من الغرب سريعاً في حين أن الفلسطينيين يطالبون بدولة منذ عشرات السنين ....؟؟؟؟
لذلك دعونا نتفق أن الإعلام هدفه نقل رسالة محددة إلى الشعوب التي لا تعلم شيئاً ...ومحاولة تحسين الصورة المشوهه...؟





هل فيلم مثل حين ميسرة أو هي فوضى أو عمارة يعقوبيان ...بما يحويه كل فيلم من هذه الأفلام من حقائق تحدث في مصر , هل مثلاً صورة العشوائيات في حين ميسرة ليست إلا صورة مصغرة من الحقيقة في مصر ..هل مثلاً ما يحدث في بعض أقسام الشرطة وتجبر بعض رجال الآمن ليس واقعاً كما صور لنا هي فوضى مثلاً ...هل مشاكل مثل الفقر والمحسوبية والشذوذ والفساد وكل تلك الظواهر في عمارة يعقوبيان لا تصور مايحدث في مصر أما أنهم تحدثوا عن شعب المريخ مثلاً
إذن هل نبين ونوضح تلك المشكلات ...وأول خطوات حل المشكلة هي تحديدها والإشارة إليها
وجهة نظر أخرى...أن كل تلك الأفلام تناولت المشاكل بشكل غير لائق ..وكان بها الكثير من التجاوزات في الكثير من المشاهد السيئة والغير لائقة ...هل معنى أن نُعلم أحداً بوجود مشكلة ماهل يجب أن نمثلها بحذافيرها وتفاصيلها
هل لنبين ونحدد مشكلة مثل الشذوذ مثلاً ...نقوم بتصوير مشهد شذوذ يقترب من الحقيقة ....لنكسب القضية بعضاً من المصداقية ..وهل كل ذلك يرتبط بتشويه سمعة مصر؟؟؟؟





مايكل مور
Fahrenheit 9/11 فوجئت وأن أبحث عن مايكل مور على الشبكة أنه أخرج أربعة أفلام قبل أن يخرج فيلم
مور الحاصل على جائزة الأوسكار , يمكن أن نطلق على أفلامه أفلام وثائقية , أخر أفلامه فيلم سايكو يهاجم فيها وينقد نظام التأمينات الصحية في أمريكا ويقارن بينها وبين النظم الأخرى في دول أخرى كفرنسا وكندا ...مور منحاز دائماً إلى المواطن الأمريكي في أفلامه ..منذ عدة أشهر شاهدت فهرنهايت ...فيلم رائع بكل المقاييس يتناول الحرب الأمريكية على العراق والجيش والعلاقات السعودية الأمريكية ...صُدمت بالكثير من الحقائق عن الإدارة الأمريكية ..وكم البله الذي تتمتع به ...هذا الفلم فاضح للسياسة الأمريكية ..وعائلة بوش ...وتعاملهم مع العراق كصفقة بترولية ...الفيلم في النهاية يصب في صالح المواطن الأمريكي ..؟
لا خطوط حمراء في الإنتقاد ..يمكنه أن يسخر من كل شئ...لماذا لا ننتقد ..أما أننا لا نملك تلك المساحة من أصله؟

16 comments:

AHMED SAMIR said...

اول تعليق
الاعلام المصري والعربي في حالة مزرية بجد
انا لسة كاتب بوست عما يفعله بنا الاعلام من تغييب
تحياتي واحتراماتي

ريحانة said...

اولا يامحمد
خلينى اهنيك ع البلوج بتاعك جد جميل
ثانيا
بالنسبة بقى لاعلامنا واسلوب تناوله للمشاكل
مفيش طريقة واحدة تنفع لتناول جميع المشاكل الموجودة بتنوعها واحنا ما شاء الله عندنا مشاكل كتير اوى

الفقر والجهل والمرض والعشوائيات والبطالة ومشاكل الشباب والشذوذ والجزواج العرفة ومشاكل سياسية ياما

كتير اوى مينفعش تبقى طريقة التناول فى كل ده زواحدة
يعنى الطريقة اللى نتناول بيها مشكلة زى حرية التعبير او كل ما يخص مشاكل الحكم
مش هى نفس الطريقة اللى نتناول بيها الشذوذ
فى مشاكل من الاصلح اننا منعرضش غير ضررها

او اشارة من بعيد اوى ليها
عشان منبقاش بنقول الشباب اللى عاطل اصلا وعنده مشاكل الدنيا ومش لاقى مخرج ولا حاجة يعملها
فى مغامرة جديدة ممكن تدفن فيها نفسك
زى المخدرات
من الاخر انا ضد عرض كل المشاكل بنتفاصيلها
الدقيقة كده
لازم يكون فى وعى فى التناول واحترام لقيمنا وتقاليدنا
اسفة للرغى
الموضوع جميل
تسلم

Ahmad Hegab said...

سؤال صعب على فكرة ؟
و أظن ان أجابته مرتبطه بمدى جودة النوعية المقدمة للمشاهد بس عامة احب الابتعاد عن ثقافة الصدمة التى تصدم المشاهد و ينجح الفيلم لكنها فى النهاية تضره لا تفيده

vision said...

انا كنت فاكره انى داخله عند بنت

كويس انى ركزت....اصلى بعد ما قريت التعليقات اكتشفت انى مش هقول حاجه تانيه...أنا بس لما بعلق حبيت اثبت حضور وانى قريت وعجبنى البوست

كريم عاطف said...

فعلا مش عشان نعبر عن مشكلة موجودة يبقى لازم نزود جرعة قلة الأدب’ بس للأسف لازم التوليفة بتاعة الجمهور عشان يضمن المنتجين أكبر عدد م المشاهدين بصرف النظر عن جودة الفيلم

حنة said...

بص انا مصدقة ان حكاية سمعة مصر دي اكليشيه مطلعاه الحكومة علشان كله يقفل بقه .. وبعدين لو مضايقاهم سمعة مصر قوي .. ما يغيروا الحاجات الوحشة اللي بيتكلم عنها الفن والاعلام
تقبل تحيتي

رئـــــيسـة حزب الأحلام said...

السلام عليكم انا الصراحة لم اشاهد اى فيلم من الافلام المذكورة

إنسان || Human said...

a.samir
شكراً ياسيدي..الأعلام المصري..أن اعتقد ان ده مش اعلام اساساً

إنسان || Human said...

براحتك خالص ياريحانه ...ده من ذوقك بس ..على العموم انا نتفق معاك ان كل مشكله وليها طريقة العرض الخاصه بيها ..زي ماانتي قلتي نعرض ضررها بس على الشخص ده ..زي مثلاُ في بعض افلام عن المخدرات بيعرضوا فيها اعراض الإنسحاب عند المدمن وممكن مايجبهوش وهو بيتعاطى مثلاًُ ...بيكون أثرها جامد جدا على المشاهدين

إنسان || Human said...

ahmed
فعلاً ...تشبيهك دقيق للغاية ...صدمة بتكون صدمه للمشاهد بكل المقاييس
.......
camera girl
شكراً على وجودك ...وأتمنى المره الجايه يكون في رأي
........
كريم عاطف
أعتقد هو ده الهدف ...جذب جماهير وعدد أكبر من الأموال... ويقولك إحنا قصدنا نبين المجتمع على حقيقته...والجمهور دايما بيحب يشوف العيوب

إنسان || Human said...

حنه
بيني وبينك...ساعات بيزودوها شويه...فيه فرق بين ان انا أعرض مشهذ شذوذ ...ومشهد تعذيب في السجون ...لأن ده
بيتعدى الخطوط الحمراء الجنسيه
والأخر الخطوط السياسيه
...........
رئيسة حزب الأحلام
أشكرك على صراحتك ..كان يهمني رأيك

malak said...

حقيقى بوست جامد
حقيقى لايوجد رقابة على الاعلام فى هذه الفترة فقد اصبح اليوم لمناقشة قضية لابد وان تدخل جزء من ........
تحياتى

Unknown said...

vالسلام عليكم ورحمة الله وبركاته
human**

اين كانت مدونتك (مستخبيه) عنى؟؟اكتشفتها اليوم بالصدفة وكمان من 2006؟؟الله يزيد ويبارك
انا لست موجودة فى عالم البلوجر منذ فترة طويلة ولكنى ازعم انى قد حاولت ان ارى كل المدونات على قدر استطاعتى.
عن الافلام حدث ولا حرج ياسيدى وكله عايز يلحق شباك التذاكر مادام( الهايف)(والردىء) هو اللى بيكسب ويجيب االملايين لاصحابه
وهى خلطة سريه من .. و.... و....
وشوية تحابيش من اللى هم (وربنا يخللى!! لا يخللى ايه ياخد فاننيناكلهم
يبقى يتعب نفسه ليه سواء فى حين ميسرة او غيره
واللى يكيد انهم يعملوا برامج وندوات ونقاشات وتحليلات عن الفيلم وموضوعه
وفى الاخر ايه)ولا حاجة
وارجو الا اكون اثقلت عليك
ولك تحياتى
norahaty
NBمعقوله حضرتك من2006 ومحدش قال لك* تشيل التاكيد عند اضافة التعليق(ولا انت غاوى تعذب الناس اللى عايزين يعلقوا على مواضيعك
اقولك انا ولك ان تاخذ به او لا ....لك مطلق الحريه!!
المهم من صفحة .. seeting
>>>>comments>>>>>>>in varification for comments>>>>>say NO)
واروح احط الكومنت واكتب الحروف وامرى الى الله

emad.algendy said...

عزيزي هيومان
سعيد جدا بمدونتك
بالنسبة لاعلامنا فنحن الان نصرخ جميعا
الجميع مستاء من الاوضاع
والجميع يتحدث يفهم كبير من عم علي البواب حتى اكبر وزير
هم يسمحون لك فقط بالحديث لكن ان تغير او ان ترى اي انعكاس لما تقوله فلن يحدث
تتحدث فقط حتى لايتكرر مشهد المنصة من جديد

بالنسبة لافلامنا فأنا معك تماما
شاهدت عمارة يعقوبيان ولمدة اسبوع كنت افكر كثيرا في الهجرة اكتابت فعلا من كل ما شاهدته
عندما علمت ان حين ميسرة على شاكلته لم افكر ان اشاهده
تحياتي لاثرائك
وسعيد بمدونتك جدا
جزاك الله خيرا

إنسان || Human said...

ملاك
لايوجد رقابة على أي شئ وليس على الإعلام فقط
.........
norahaty
أهلا بيكي ...مستخبية .هانعمل إيه...
شكراً على رأيك اللي يهمني جداً...
بخصوص الكومنت أنا عارف الموضوع ده بس ماكنتش واخد بالي إنه مضايقكم ..على العموم أنا شلته خالص عشان تستريحوا
والمره الجايه مش هاتلاقي الحروف

إنسان || Human said...

أكتائبت يانهار أبيض ...هو فعلاً واقع أليم بس ماعتقدش أن الموضوع اختلف كتيرعن قبل موضوع المنصة ...لأن النظام هو النظام ...نظام عسكري