Monday, April 14, 2008

رفقاً


ماحدث في الأسبوع الماضي في مدينة المحلة التي كنا بالكاد نسمع عنها في نشرات الأخبار على التلفزيون المصري تلك المدينة الصناعية ...أهلها الذين لم يروا الرصاص المطاطي إلا في نشرات التاسعة على الشاشات ...لم يستنشقوا الغازات المسيلة للدموع أبداً ...ولم يروا دخانها في حياتهم أبداً ...كانت حركة السير وسط المدينة والشوارع الرئيسية متوقفة تماماً ..كانت المدينة ثكنة عسكرية بالفعل ...لا أعلم كيف يتحول أضراب من المفترض أنه سلمي أو حتى مظاهرات بسبب غلاء المعيشة إلى أعمال عنف واسعة النطاق ...الأهالي أنفسهم ليس لهم أي مبرر لإحراق مدرستين يمكن لأبنائهم أن يكونوا من أبنائها , سيارات مهشمه , وحرق للأشجار حتى الأشجار , أحرقوا سيارات , وهاجموا محلات وأحرقوا مدرستين بعد أن نهبوا مافيها من أجهزة كمبيوتر , وتجطيم لآلات الصرف الألي المجاورة للبنوك و كبائن تليفونات وإحراق نقطة شرطة وإسعاف على الطريق , هذا كله لايفعله مواطن أو حتى طالب عادي حتى ولو كان حانقاً وغاضباً من الحكومة والنظام ....يمكن أن يلقوا ببعض الطوب على الأمن والجري ,أما هذا الدمار كله..لا أعتقد أبداً


ذكرتني تلك الأيام بسقوط بغداد ...مع الفارق الكبير ...ماذا يحدث عندما يغيب النظام وتطلق أيدي المجرمين وتعم الفوضى وتنتشر السرقات ... ويحدث مالا يحمد عقباه ...أتمنى أن لايحدث ذلك بتاتاً في أي بقعة من مصر وماذا كان رد الفعل ...؟
إعتقالات عشوائية لكل من ألقت به الأقدار وتواجد في الشارع في ذلك الوقت ...الكثير من الأبرياء لم يكن لهم أي دخل في الموضوع ....,أقتادوهم إلى عربات الشرطة وأنتم أدرى بالمعاملة الرائعة لكل من يمسكه الأمن ...حدث لي نوع من الهلع عندما رأيت بعض مقاطع الفيديو المصورة خلسة لرجال الأمن وهم يقتادوا المقبوض عليهم ...هل هؤلاء مجرمين فعلاً أم أبرياء من الذين سمعنا قصصهم ...طلاب كانوا في طريقهم للمنزل وأقتادوهم إلى العربات ...هكذا يفعل أبناء الوطن الواحد في بعضهم البعض ...؟
.........
ومازالوا وراء القضبان ..الكثير من أبناء هذا الوطن أبرياء...؟
هناك أخرون حزنت لهم كثيراً ...عساكر الآمن المركزي أبناء هذا البلد أيضاً ...ليس لهم ذنب أيضاً ...الكثير من وقع في أرض المعركة ...جاء من بلده ,ترك فأسه وأعطوه درعاً وعصا وقالوا له ...إضرب , إضرب أخيك أو أبيك أو أمك أو حتى أبنك ...لايهم لاشئ يعلو فوق صوت المعركة ...أقصد الرصاص المطاطي أو حتى الحي ...ياجنود مصر رفقاً بأهلكم ..؟
نقدم وردة لكل عسكري أمن مركزي أُصيب أو لم يكن أصيب
أقدم وردة لكل ظابط شرطة
أقدم وردة لكل مسئول كبير في هذا الوطن أو حتى وزير

وأقول لهم رفقاً بهذا الشعب ,رفقاً بهذا الوطن
رفقاً بكبد وكلية المواطن المطحون
رفقاً بأطفال حرموا من كل شئ إلا الظلم والجوع والجهل
رفقاً بذلك المواطن الذي يجاهد في طوابير الخبز والمواصلات

28 comments:

alshared said...

رفقا

قالها الناس كثيرا
وكل ما أثمرت عنه
هو التجاهل

تجاهل الحاكم للمحكوم وأستخفافه به

كل ماحدث في المحله هو نتاج غضب الناس
الغضب الذي سيتحول الي أنتفاضه للغوغاء والبلطجيهوالحكومه تتعامل بغباء مطلق وعجرفه غريبه مستحيل تكون أي حكومه بتتعامل بالمنطق ده مع الشعب بتاعها

عموما أنا معاكي أن عساكر الامن وظباط النظام يبقوا أهلنا

خالص تحياتي

emad.algendy said...

رفقا
رفقا نحن بانفسنا
رفقا بانفسنا وكفانا الفة وترويضا
لماذا لاننهض
كثيرون ايضا ارتبطت احداث المحلة لديهم بسقوط بغداد
لماذا؟

رفقا بانفسنا

محاولة لكسر الصمت said...

نعم رفقا بنا جميعا........أما عن سقوط بغداد....فعذرا لا تحملنا مالا طاقة لنا به....ليس سهلا علينا أن نرى مصر في مرآة بغداد.....

حنة said...

الورود لونها احمر
والدم كذلك
لكن مصر لا تحتاج ورودا
تحتاج دما
ولتترك الورود ترعى قبور الراحلين برصاصات شرطي غبى
لم يفقه ابدا كلمة رفقا
ولم يعرف ال3 حروف
مصر

shaimaa samir said...

ورودا حمراء...!!
هل يعرفوا معناها؟؟؟

يارب هون علينا ما يحدث

اشكرك

أحمد بكر said...

مدونه ثوريه بس برقه
تحياتى

Desert cat said...

انا اشك ان اللى كسر ودمر اهل المحلة
لانهم اول من عمل اضرابات واعتصامات
ولم نسمع عن تكسير او تدمير
ربنا معاهم

ابراهيم said...

الصراحة الحكومة بتلعب بكل شي في البلد لال نفسها
ادعوك لزيارة مدونتي لحن الغروب

ميرا ( وومن ) said...

إنسان
أشكرك علي زيارتك الكريمة لمدونتي
واشكرك علي مدونتك الراقية المفكرة المعبرة
ربما لن ينكسر هذا الوطن طالما فيه اقلام تكتب اوجاعه
تحياتي

استراحة محمد said...

انا هنا فى مدونتك لأول مرة هيومن
انت بجد اسلوبك راقى جدا والفاظك متنقيه
من الاخر هتلاقينى هنا كتير
تحياتى ليك

محاولة لكسر الصمت said...

حضرتك ليك عندي تاج على مدونتي.....ممكن تشرفني وتاخده

L M A R said...

صباح الخير
بداية دي اول زيارة عندك ويشرفني جدا


حال البلد مش بيطمن ابدا
فعلا الوضع على فوه بركان
ممكن في اي وقت ينفجر
لو افترضنا انو الانفجار لسا



تحياتى

SmSomA said...

لا يغير الله ما بقوم حتى يغيروا ما بانفسهم

عــلاء ســالـــم said...

السلام عليكم

طبعاً أتفق معك في إن الأحداث دي من تخريب وسرقات وحرق كانت محزنه وأكيد ماحدش يرضى بكده .

بس للأسف الناس ماعندهاش وسائل أخرى تعملها

لا يوجد تقنين أو نظام قانوني للتظاهر أو الإحتجاج أو الإضراب

يعني كانوا عملوا بند من ضمن التغييرات الدستوريه عن الإضراب أو التظاهر وكيفية ممارستهم بشكل منظم .

خالص تحياتي

نهر الحب said...

اصبحنا مش عارفين الصح من الغلط للاسف

الحكومه مش عارفه ان الشعب لو طاع اللي جواه بجد حتبقي كارثه

حتي الضباط والعساكر هما دول مش تبعنا؟؟؟
ربنا يتولانا

تحياتي

saso said...

قبل ما نتكلم عن غياب الامن
خلينا نتكلم في وجودة وفي الظروف العادية
اسال اي انسان عادي عن مفهوم المظاهرة
غالبا هتلقي الجمل المعهودة عاش فلان وتحيا مصر
وحرق علم ..لابد لكل مظاهرة من واحد تحرقه
ورمي طوب او اي حاجة يلاقوها
لو متحمسين ممكن نحرق كاوتش
دي المظاهرة السلمية

الاضراب بقي معناه نقف في مكان واحد ونهتف نهتف نهتف لحد ماصوتنا يروح

قبل ماتطلعهم"اضراب"علمهم يعني ايه"سلمي"..نيجي لدور الامن
اسال عسكري امن يعني ايه فض مظاهرة
هيقولك مطاط وقنابل دخان الخ

كانها بقت ثوابت واسطمبات متفقين عليها الطرفين

اللي اندفع من غير مايفهم هو بيضر مين غلطان بس مش مجرم.. الجهل مش جرم كافي
واللي اتأمر يفض استباك بالقوة غلطان بس مش مجرم..العسكرية زي مانت فاهم

الحل الاسهل والاصلح كان قبل ماتطلق الناس ف الشوارع فهمهم انت عاوز منهم ايه

عارف ان صعبان عليا فرصة الغضب الشعبي والضعف الحكومي والتضامن الدولي والكلام الكبير ده كله
تروح هدر
وتتحول لعصيان مدني احبطته قوات الشرطة علي حد تعبير قنوات فضائية مش فاهمة اي حاجة عننا

خسارة اليوم ده يضيع كده
وخسارة يتكرر الشهر اللي جاي

إنسان || Human said...

الشارد
فعلاً الغضب يولد الإنفجار ...ونحن لا ننكر الأسلوب القاسي الذي تعامل معه الأمن من الأهالي ....بالتأكيد كان الأمر في غاية السوء
...............
نوووور
رفقاً بأنفسنا نحن بالفعل ....أعتقد أن سبب هذا كله هو ببساطه نحن
..........
دواير
ومن فينا يحب أن يرى مصر في هذا الموقف ...هذا الوضع الفوضوي...الأمن نعمة كبيرة لن نشعر بها للأسف إلا
إذا فقدناها

إنسان || Human said...

حنه
ومن على إستعداد أن يدفع هذا الثمن الباهظ ...ثمن الحرية الباهظ ...نحن لا نريد عنفاً ولا دماً ...ولكن هم من يريدون ذلك
..........
أشكرك أنتي يا شيماء
....على تعليقك وزيارتك الأولي وأتمنى أن تتكرر دائماً

إنسان || Human said...

baker
أشكرك ...على المجامله الرقيقه
دي وأتمنى أن أرى تعليقاتك دائماً
......
desert cat
فعلاً أنا متفق معك ....ليست تلك أو مره يقومون فيها بإعتصام ...ولم يقومو ا بتحطيم أو تكسير شئ ...إنهم دخلاء وبلطجيه ...هم من فعلو ا ذلك

إنسان || Human said...

إبراهيم- وومن-إستراحة محمد
أنا سعيد جداً لتعليقاتكم الأولى وزيارتكم الأولى عندي هنا ...وياريت تتكرر بإذن الله

إنسان || Human said...

العبد الرحمن
وانت شرفتني جداً زيارتك وأتمنى أن تتكرر زيارتك مره أخرى
...أ
أنا متفق معاك أن البلد على فوهة بركان ولكن هذا لايمنع ضبط النفس والتحلي بالهدوء
..............
smsoma
فعلاً ...أنا دايما بقول إللي بيحصل ده ...أكيد لينا دخل فيه...سواء بطريقه مباشره أو غير مباشره
..........

علاء سالم
هو للأسف مافيش حاجه زي كده ...ولأن الموضوع ده إحنا مش متعودين عليه ...وإذا كان فيه قوانين فالحكومه مش عايزه كده ...مش عايزه وجع دماغ

إنسان || Human said...

نهر الحب
أهلاً بعودتك ....للأسف الحكومة تتجاهل أن الناس دي بشر بيحسوا وبيغضبوا وبيثورا
المفروض يشوفوا التاريخ ..عشان يتعلموا

إنسان || Human said...

ساسو
فيه شوية مفاهيم عايزه تتغير ...وللأسف لا نعيرها أي إهتمام ...أعتقد إن دي ليها علاقه بالثقافه السياسيه المنعدمه عندنا تماماً
مش فاهمين الفرق بين المظاهرات والأعمال الشغب والعنف والإعتصام والإضراب
...
لكن تقريباً حصل كل ده في المحله ..كوكتيل
مظاهرات تحولت لأعمال شغب ومن ثم في نفس الوقت كان في ناسقاعدين في بيوتهم
إضراب...
لا طبعاً كان خوف
مجرد خوف
...
أما عند اللي حصل عامة
أعتقد \إن دي بدايه وإن كانت لم تنجح
100 %
لكن هي مجرد بدايه متعثره

كلبوزة لكن سمباتيك said...

بتقول لمين!!!!!!محدش عنده ودان اصلا


تحياتي

voice of love said...

المشكلة كمان ان الناس مش فاهمة يعنى ايه مظاهرة ولا يعنى ايه اعتراض منظم

وبالتالى بتبقى هيصة كله بيضرب فى كله

سعيدة جدا جدا بمدونتك وأسلوبها الراقى
تحياتى

أبو نزار عبد الرحمن الشرقاوى said...

وردة لمين بالظبط..........إن كان الإضراب والتظاهر السلمى تحول لأحداث شغب وسرقه فده طبيعى جدا ومبرر شوف إنتا أى مظاهرة سلميه بتتحول على يد ميليشيا الامن المركزى لإيه شوف أى متظاهر بيقع فى ايديهم بيحصل ليه إيه شوف النظام عمل &إيه فى الاخوان وفى فلوس رجال اعمال لمجرد إنهم منتمين اللإخوان والى قضوا اعمارهم عشان يجمعوها ,سرقه وضرب وإرهاب من نظام الحكم تتوقع ايه كرد عليه نظام القاهرة زى نظام بغداد وطبيعى رد الفعل يكون واحد ,نظام مصر مش تعلم من نظام العراق واضح إنه معتمد على توافقه المشبوه مع الغرب بس يا ترى الغرب ممكن يساعدهم لحد إمتى؟

Gannah said...

أحداث مؤسفة و محزنة فى نفس الوقت و ما حدث نتيجة رعاية البلطجية فاصبحوالا ضابط لهم و اللى بيروح فيها الناس الغلابة اللى مش ممكن يخربوا و لا يدمروا ..أحلامهم بسيطة و نفسهم حد يسمعهم.
تقبل تحياتى

namer said...

رفقا تقال الى رجال الحكومة بالشعب المصرى